|
Այս տունն ունի հասցե՝ Դնեստրովսկի, 63ա։ Այնուամենայնիվ, դուք կարող եք քայլել ամբողջ փողոցով և չտեսնել այն: Որովհետև ինչ-որ խորը բան կա՝ թաքնված Սովետական Խրուշչովկայի (թիվ 63) բակում, որտեղ առաջին հարկում գտնվում է փոստը։ Եթե ուշադիր նայեք լուսանկարին, ապա կարող եք նկատել «Քահանա արքեպիսկոպոս Իսակովիչի անվան հաստատություն» լեհերեն մակագրությունը։ Իսահակ Միկոլայ Իսակովիչը հայ էր, նա ծառայում էր որպես քահանա Հայ Կաթողիկե եկեղեցում։ Միաժամանակ նա ակտիվ հասարակական և գործարար գործունեությամբ է զբաղվել, եղել է քաղաքային խնայբանկի հիմնադիրներից մեկը, որը նրա ղեկավարությամբ արագորեն ավելացրել է կապիտալը։ Նաև բարեգործական աշխատանք կատարելով՝ 1869 թվականին նա հիմնեց մի ընկերություն, որը հոգ էր տանում Ստանիսլավ որբերի ճակատագրի մասին։
Այնուհետեւ Իսակովիչը դարձավ Լվովում Հայ Կաթողիկե եկեղեցու արքեպիսկոպոս, իսկ նրա մահից հետո նրա ստեղծած կազմակերպությունը կոչվեց «Զախարոնկայի եւ Բուրսիի ընկերություն՝ արքեպիսկոպոս Իսակովիչի անունով»։ Խորհրդային տարիներին այստեղ առաջին անգամ մանկապարտեզ ստեղծվեծ։ 1970-ականների վերջին այն փոխարինվեց հանրակրթության քաղաքային վարչությունով։ 1991 թվականի սեպտեմբերի 1-ից գործում է թիվ 1 երեկոյան դպրոցը, որտեղ աշակերտները ստանում են միջնակարգ ամբողջական կրթություն։ Դասերն անցկացվում են երկուշաբթիից հինգշաբթի ժամը 16.00-18.00:
Եթե իննսունականների սկզբին Իվանո-Ֆրանկիվսկում երեք երեկոյան դպրոց կար, ապա այժմ այն մնում է միակը։ Ի թիվս այլ հարցերի, դպրոցի ուսուցչական կազմին հանձնարարվել է բարձրացնել տեղի քննչական մեկուսարանի «աշակերտների» կրթական մակարդակը, որտեղ գործում է երկու դասարան։ Հրապարակված է report.if.ua կայքում
Հեղինակ՝ Միխայիլ Գոլովատիի
Լուսանկարը՝ Իգոր Գուձի
Բացիկ Օլեգ Գրեչանիկի հավաքածուից
թարգմանություն՝ Սամվել Ազիզյան
հրապարակման աղբյուր https://report.if.ua/uncategorized/slidamy-starogo-stanyslavova-zaklad-isakovycha/
|