Киевская Армянская Община 2009-2012

Կիևի «Թեյ, սուրճ, հայերեն» խոսակցական ակումբում այսօր ջերմ մթնոլորտը միահյուսվել էր հաճելի անհանգստությանը։ Հայերենի դասընթացների 2017 թվականի առաջին կուրսի ուսանողներից շատերն առաջին անգամ էին գտնվում ակումբում և նրանց անհանգստությունը հասկանալի էր, այսօր ֆիլմի դիտումից բացի նրանք պետք է ստանային նաև իրենց ավարտական վկայականները։ Ներկա գտնվողներին միավորողը դա սերն էր հայերենի նկատմամբ։ Ոմանց համար հայերեն սովորելը արյան կանչ էր, մեկ ուրիշի համար հարուստ և դարավոր մշակույթ ու պատմություն ունեցող ազգի լեզուն, իսկ մյուսի համար սիրած երիտասարդի մայրենի լեզուն ։ Ինչևիցե, բոլորի տրամադրությունն էլ բարձր էր և հերթական կինոդիտումից և այն քննարկումից հետո անցանք երեկոյի հանդիսավոր մասին։ Վկայականների հանձնում, շնորհավորանքներ, բարեմաղթանքներ, ժպիտներ, ծաղիկներ․․․

Սիրելի ուսանողներ ավարտվեց 2016- 2017 թթ․ ուսումնական տարվա երկրորդ կիսամյակը , սեպտեմբերի 1 –ից կսկսվի նոր ուսումնական տարին ։ Մինչ այդ ձեզանից մի քանիսը կմասնակցեն ՀՀ Սփյուռքի նախարարության « Ամառային դպրոց» ծրագրին։ Հուսով եմ, որ հայերեն սովորելու ցանկությունը ձեր առջև հեքիաթային դեռ շատ դռներ կբացի։

Սիրով սպասում ենք ձեզ:

Ռուզաննա Մարտիրոսյան

http://kievao.com.ua

на русском http://hayernaysor.am/ru/archives/250902

english  http://hayernaysor.am/en/archives/250902

արևմտահայերեն http://hayernaysor.am/cl/archives/250902